Poema "Dos gregros aprendín que ríos e regatos..." Manuel Forcadela.

Dos gregros aprendín que ríos e regatos


Dos gregros aprendín que ríos e regatos
Son deuses que abandonan por veces os seus pazos
E gozan con vagar camiños e meandros,
Regueiros e fervenzas, torrenteiras e saltos.

Así que non me enganas, oh Miño derrubado,
No límite do inverno, alá no fin de Marzo,
Que sei que te apresuras, que sei que vas de paso,
A ollar polas ribeiras, nas árbores dos campos,

A dádiva de Abril, os galanos de Maio.

(De "Morte do fadista) (2000)
Manuel Forcadela.